Operation: Ibalik si Puti sa mga Krayola ni Nene [COMPLETED]

Si Nene ay may sampung krayola. Ngunit may isang naiiba sa kanila... Si Puti. Pakiramdam niya ay wala siyang silbi at halaga dahil kailanman ay hindi pa siya ginamit ni Nene upang kulayan ang mga guhit niya. Kaya naman itong si Puti ay naglayas; sa kagustuhang hanapin ang halaga niya bilang krayola at hanapin ang taong magpaparamdam sa kaniya ng pagmamahal na hinahangad niya.

Ngunit lingid sa kaniyang kaalaman, itong siyam na kaibigan niya ay naglayas din upang hanapin siya. Sa pangunguna ni Pula, hinanap nila si Puti sa kasuluk-sulukang parte ng kanilang probinsya. Itinatak nila sa isipan nila na kinakailangan nilang mahanap at maibalik ulit si Puti bago pa man tuluyang may masamang mangyari sa kaniya.

Sa gitna ng kanilang paglalakbay, sumuko rin ang ilan sa kanila. Ngunit itong si Pula ay nanatiling determinado pa rin upang hanapin siya. Gayunpaman, sa pagkakataong kanya nang nahanap si Puti, hindi nya inasahan ang kaniyang mga nakita. Hindi na siya ang dating kaibigan nila... dahil kabaligtaran na ng kulay niya ang ngayo'y kulay na taglay niya.

Ngunit dahil sa pag-ibig, hindi pa rin siya sinukuan ni Pula at hindi nagbago ang tingin niya sa kaniya. Ginawa niya ang lahat upang maibalik lamang siya sa kanila at kaniyang maiparamdam sa kaniya ang pagpapahalaga at pagmamahal na hinahangad niya... kahit pa ang kapalit no'n ay ang sariling buhay niya.

Tunghayan ang makabagbag-damdaming kwento ni Pula at ng mga krayolang kaibigan niya upang iligtas lamang ang naglayas na kaibigan nila.

HIGHEST RANKING: #7 in Spiritual
Copyright 2023 © YourPainHasAReason