KRUS

"Ganun din, kung hindi mo papasanin ang krus mo at di ka susunod sa akin, hindi ka deserving na maging disciple ko." (Mateo 10:38, New Testament Pinoy Version)

July 2, 2023, nitong nakaraang Linggo lang, may kung anong tumulak sa akin para magsimba at mag-serve sa kinabibilangan kong parokya. Maaga ako nagisíng at, sa loob ng ilang linggo, ngayon ko lang ulit naramdaman ang sigla ng aking katawan para pumunta sa simbahan.

Roman Catholic ako simula pa noong batà ako pero naimbitahan din ako sa iba't ibang sekta gaya ng Born Again at God The Mother Church. Sa lahat ng napuntahan ko, may pinakatanong ako sa isipin ko - "Gaano katotoo ang Diyos para sa tulad ko?" Hindi ito tanong nang pagdududa sa kakayahan ng Diyos sa búhay ko kundi tanong ng isang saradong puso sa paliwanag ng Panginoon. Hanggang ngayon, hindi ko pa rin lubos maintindihan kung paano kumikilos ang Diyos sa búhay ko pero, nitong karaang Linggo, may ibinulong Siya sa akin:

"Bitbitin mo ang iyong krus at sumunod ka sa Akin."