'Yancina

Hassana bata taɓa tunanin cewa tallar abinci da take yi domin neman na rufin asiri zai zama sanadin ruɗani a rayuwarta ba. Bayan haɗarin da mahaifinta ya yi, Hajjo-matar babanta-ta tilasta mata fita talla, ba tare da damuwa da matsalolin da take fuskanta a hanya ba. A kullum tana fama da cin zarafi da kallon banza daga maza marasa tsoron Allah, har rana ta zo da ta fi kowacce muni. Ba ta da kariya, ba ta da wanda zai tsaya mata, har ta faɗa hannun mugaye. Amma kuwa, shiru ba shine mafita ba! Tare da taimakon wani wanda ba ta taɓa zato ba, ta tsaya tsayin daka domin neman 'yancinta. Shin, za ta samu adalci, ko kuwa muryarta za ta nutse cikin shiru irin na al'umma? Yancina labari ne mai cike da raɗaɗi, juriya da kuma yaƙi don ganin gaskiya ta yi halinta.