Ang mga estudyante sa ika-12 baitang Pangkat Z mula sa Unibersidad ng Granby ay kinikilala bilang mga patapon at wala ng pag-asa sa buhay. Bilang parte ng kanilang proyekto sa siyensya ay kinailangan nilang bisitahin ang Bundok Sungay sa pamamagitan ng lakbay-aral. Sa kanilang paglalakbay, isa sa kanila ay nakakuha ng kakaibang impeksyon. Dahil sa mga nakababahalang sintomas nito, ang mga estudyante ay inilagay sa isang abandonadong pasilidad ng mga militar para i-quarantine at masuri ng maigi. Nakita na lamang nila ang kanilang mga sarili na lumalaban para sa kaligtasan habang patuloy na kumakalat ang hindi kilalang virus. Makakaranas ng matinding pagsalakay at pagnanais ng karahasan ang sino mang mahahawahan ng sakit. Sina Rona, Harold, Solana, at Caelum ay lumalaban para sa kanilang buhay habang sinusubukang iwasan ang mga panganib na dulot ng virus at ang sistema ng kanilang hindi mapagkakatiwalaang mga kaklase.