صراع الهويات

فكرت ازاي تعيش من غير قلق وبالك وضميرك مرتاح ؟ سهلة ... اوعي تعوم علي عوم الناس ولا تجري علي جريهم او تشاركهم عبثهم .. فكر دائماً قبل ما تتكلم واوعي تقول اللي غيرك عاوزك تقوله وجامل من يستحق بكلمة حلوة ولكن ابعد عن النفاق والتملق ودائما اسعى في الخير ومساعدة الناس وبلاش تشغل نفسك باخطاء غيرك وفضائحه واوعي تضيع وقتك في سيرة الاخرين ولا التشفي فيهم ولا معايرتهم بضعفهم او قلة حيلتهم ولا النظر لرزقهم ولا في الدعاء عليهم .. تذكر دائماً ان البكاء علي الماضي تضييع وقت والخوف من بكرة عدم ايمان لان الغيب بتاع ربنا واخيرا اوعي تنسي ان قرش حلال فيه بركة ولا الف حرام وخليك فاكر انك عمرك ما ها تاخد نصيب غيرك وعمر غيرك ما ها ياخد نصيبك و تيقن ان الارزاق على الله