E Burgosur Në Shpirtin Tim

Aroma e saj i erdhi ndër hundë, aromë vanilje e trazuar me çokollatë. Në çdo hojzë të mushkrive i hyri ajo aromë. Fytyra e saj si lepurush iu shfaq para syve. Edhe pse nuk mund t'ia dallonte mirë tiparet për shkak të errësirës që po mbështjellte vendin, arriti të dallonte pak nga sytë e saj blu oqeani. Gjeti paqe në ato pak momente që ishte pranë saj. Kur ajo i prekte gërvishtjet duke ia lyer me krem, ndihej tjetër dimension. I shëronte çdo plagë që i prekte në shpinë.