YOU & I. ( IKRAM & CHADY )

هي بنت غير اجتماعية .. كتخاف من الناس و العلاقات داكشي علاش حدودية مع كلشي .. عندها غير جوج صحابات عايشة معاهم فقط و من غيرهم والو .. كتعجبها الشتا .. اللون الكحل .. الوحدة .. الموسيقى .. الكيدراما .. الكتوبة .. الماكلة البنينة .. و الحوايج الواسعين .. من بعيد كتبان معقدة و قاسحة .. و لكن هاديك الشخصية الوقحة المغرورة كانت درعها باش تحمي راسها من الناس .. باش تخليهم بعاد .. باش حتى واحد ما يقرب .. حيت هي كتآمن بلي أي واحد قرب واحد النهار غايبعد .. أي واحد دخل لحياتها غايجي نهار و يخرج .. و هي ماباغاش قلبها يتهرس ..

و هو .. عكس شخصيتها فكلشي .. و من نهار شافها سكنات عقلو قبل من قلبو .. من أول حوار ضار بيناتهم ولات إدمان بالنسبة ليه .. و قرر باش تكون هي الحلمة لي ماعمرها تسالي و ماعمرو يفيق منها .. واخا كتقسحو .. واخا كتضرو .. واخا كتمرضو .. باغيها ..