تحملتُ عَواقب لَيستْ لي

في غياهب اللاشعور
تسكن ذكريات وصرخات طفلة
روح مهمشة ، اثار ضرب ، دموع ،نَحيب
شنو هو الذنب الي أرتكبته حتة يصير كل هذا بية !
ليش يمة ؟
ليش رحتي وعفتيني بين هاي الذياب؟
ليش حملتيني ذنب مو الي ..

انا بيه حزن يترس فطور الكاع

ونواعير العيون تصير من تدمع

وبيه بالكلب شوف شكثر ونات

يذوب الصخر كونه بونتي يسمع

وانه فوك المتون محمل هموم

الجبل لو شالها من الكاع اظن يقلع

لاتغرك ضحكتي من اضحك وياك

الجمر محروك وكبالك يظل يلمع

خلص عمري بغرب يم اليكرهون

ومااظن العمر لو راح هم يرجع