IN LOVE WITH A LIAR

Umuwi ng Pilipinas si JM o Joana Mae para makilala ang ama at ang kakambal na si Jasmin Mae. Pero nalaman niyang nasawi ang huli sa isang aksidente at kinailangan niyang magpanggap bilang ito para sa lola nilang may sakit. Mahirap dahil parang araw at gabi ang kaibahan nila ng kakambal sa isa't isa. Ang malala pa, naaakit siya kay Neo, ang nobyo ni Jasmin... na ibang babae naman ang gusto.

Si Jasmin Mae ang tipo ng babaeng hinding-hindi pagtityagaan ni Neo Garcia. She was wild, bratty, forward, and yes, easy. He only agreed to be engaged to the girl to please his mother. Malaki kasi ang utang na loob ng mama niya sa pamilya ng dalaga. Pero sooner than later, kakalasan niya talaga ito.

But Neo didn't know about the pretence.

At biglang-bigla, gusto niyang sapakin ang lalaking humahawak sa 'nobya' niya gayong dati naman ay wala siyang pakialam. At parang gusto niyang magwala nang hinihingi na ng babae ang kalayaan nito...

Nang bumalik si JM o Joana Mae sa Pilipinas para kilalanin ang kanyang kakambal at ang side ng kanyang ama, pagpapanggap ang ipinagawa sa kanya. Ginawa niya para tumulong, pero sa huli siya pa ang napasama.

Nasangkot kasi ang kakambal niyang si Jasmin Mae sa isang aksidente, at kailangan niyang palitan ang papel na naiwan nito--kabilang na ang papel nito sa nobyong si Neo. Iyon ang pinakamahirap. At hindi niya alam kung bakit nasasaktan siya tuwing hindi maganda ang pakitungo ng fiancé ni Jasmin sa kanya.

Pero lalo palang mahirap kapag pagmamahal na ang nasasalamin niya sa mga mata ni Neo kapag nakatitig ito sa kanya. Dahil alam niyang hindi talaga para sa kanya ang pag-ibig na iyon. Hindi siya ang nakikita ng lalaki kundi ang kakambal niya.

At ang pinakamasakit, walang halong pagkukunwari ang lahat ng pagmamahal na ipinaparamdam at ipinapakita niya rito...

Published in 2009 under a different title