- Reads 815
- Votes 70
- Parts 5
Ongoing, First published Aug 29, 2023
الرواية قيد التنزيل 🍁المشهد الأول شمر العصا من ايده و نصى يطلع الحبل من العلاكَة ابتسم بخبث و هو يتقدم لإبنه الي شابك اديناتي ورى ظهري و لازمني دفعه بقوة باعده عني و ربط الحبل حول عنقي و هو يشده ضربت ع اديناته ، رخى الحبل سوي و هو يشدني اله و يهمس قرب اذني بنبرة حقيرة _شفتتتتتي شنو نهايتج من تلعبين ع اسيادج ، اليوم انهيييييج و اطم عارج لا من شاف و لا من دره قربت من اذنه و اني احاجي بنفس نبرته *اليوم راح تطمني ، بس باجر شلون تطم فضيحتك و عارك ؟ _ينتهي كلشي ويه نهايتج ، محد يدري بالصار بس اني و انتِ *لاااا غلطان ، كلشي مسجل و موثق ع فلاشات و موجود عند ناس ثقة تنشره اول ما يصير عليه شي رجع شد الحبل ع عنقي و هو يخنكَني ظليت اجاهد و اضرب رجليه بالأرض ع مود اخذ نفس ، عيوني غوشت و نبضي ما عدت احس بيه ، ما وصلني هوى الا القليل فجأة اندفرت الباب و دخلوا اثنين شباب الاول رمى طلقتين بالجو و الثاني ركض الي و هو يضرب ولد عمي من شافه عمي ، ترك الحبل و جر سلاحه من خصره دفعته بأخر حيل بقى عندي ، وجه السلاح عليه ثارت رصاصة منه و اخترقت كتفي هويت للأرض قبل لا اوكَع حسيت احد يلمني بحضنه ، و هو يضرب ع خدي _هاها لا تغممممضين فتحيييي عيونج ، خليج ويييياي ثكَلت عيوني و اني اباوعله برؤيا مغوشة شالني و هو يركض بيهAll Rights Reserved
Sign up to add إرث باديس to your library and receive updates
or
You may also like
You may also like
