What We Couldn't Keep

සමහරවිට,
අපිට අපිව අයිති නැතුව ඇති...
ආදරේ විතරක්ම මදි ඇති...
දෛවය දැනටම ලියවිලා ඇති.

ඒත් මට වගේම ඔයාටත් මාව මතක හිටින්න ඕන,
හැමදාම මතක් නොකරත්,
පාලු සීතල දවස් වල...
තනියම උණු කෝපි කෝප්පයක් බොන වෙලාවක...
හිත ඔන්න ඔහේ අයාලේ දුර යන වෙලාවක,
සිතිජයේ ඉම හොයන දවසක,
මගෙ ලග නවතින්න ඕන...
' දැන් ඒ කෙල්ල හොදින්ද' කියල ඔයා හිතන්න ඕන.

ඉතින්,
මට ඔය හිතේ ගැබුරු කොනකින් පුංචි කොටසක් ඕන,
ඒ කොනේ මාව හංගන්න ,
කාටවත් එබුනත් පේන්නෙ නැති ඒ අදුරු කොනේ
මම හැංගෙන්නම්...සදහටම.

ඒත් ඉදල හිටලා,
ඔය මුවෙන් පිටවෙන බර හුස්මක..
මමත් ඉන්න ඕන.

ඔව්,
මම ආත්මාර්ථකාමී ඔයාට.