Pretending the Billionaire's Daughter
"Ang magulang mo ay si Manang Lydia, nasa ibang bansa ang ina mo at ginagapang ka nang husto sa eskuwelahan na gusto mo pero hindi mo ipinagmamalaki? At kailan pa naging heredera ka ng Villa Del Rosario kung unang-una hindi ka naman anak ng magulang ko, o apo ng lolo ko?"
Hindi makakibo si Tammy, nagsimulang mag-init ang mga mata niya. Hindi niya mapigilan ang mapahikbi.
"Bakit ka umiiyak?!"
Dumadagundong ang boses nito kaya kinagat ni Tammy ang labi niya.
"Noon pa lang sa rancho alam ko ng hindi maganda ang ugali mo pero ayos lang naman, baka hindi mo lang din gusto ang dating ko. Pero senior high at college mo rito kung ano-ano ng pagpapanggap ang ginawa mo? Iyong lolo mo nagpapakahirap mag-alaga ng hayop sa rancho mapadalhan ka rin ng pera para sa mga project mo, iyong si manang Lydia na napakabait na nag-alaga sa 'kin noon na ginagapang ka sa college school na 'to, hindi mo naman pala pinagmamalaki dahil abala ka sa pagiging rich kid mo rito? Alam ba 'yan ng nanay mo?" Madiin ang bawat salitang binibitiwan ni Benjamin.
Hindi akalain ni Tammy na sa dinamirami nang makakadiskubre sa pagpapanggap niya ay iyon pang mismong tunay na anak at apo ng mga bilyonaryo kung saan amo ito ng kanyang pamilya. Dahil dito, matatali siya sa isang deal kung saan wala siyang kakayahang tumanggi.
