Sketchy World

"Magandang gabi. Marami po sa inyo ang tiyak na magtataka kung sino ako. Hindi po ako si John Lloyd. Lalung hindi po ako si Robert Downey Junior. Ako po ay isang hamak na janitor lamang sa paaralang ito. Kaibigan ko po ang mga tracing paper na lukut lukot at nakikipagtaguang mga masking tapes sa lamesa. Pero masasabi ko pong napakasaya ko at dito ako napunta sa paaralang ito. Maliban sa mga naggagandahan babae na nagmagandang loob pang mag suot ng damit, mababait kong katrabaho na nililibre ako ng kape araw araw at matinding umingles na mga tao ay sadyang napakamasiyahin po ng mga estudyante rito. Sa tingin ko po ay nasisiyahan sila talaga sa pamamalakad ng eskwelahan. Tanong ko lamang po sa inyo ginoong Lennart, masaya po ba kayo rito?"

Tanong ko sa estudyanteng nanalo sa World Architecture Institute First Competition. Itong binatang ito ay kakatransfer lang daw dito sabi nila pero hindi sya tulad ng mga karaniwang mag-aaral. Tila hindi sya nageenjoy. Naalala ko pa, tatlong buwan pa lang ang nakakalipas...