Tomorrow We Could Be

Maganda, pero kinulang sa swerte. Ganda lang talaga ang puhunan at nagising na rin sa wakas sa katotohanan si Calene na hindi siya makakaalis sa isinusumpa niyang probinsya gamit lang ang ganda niya. Mabuti na lang talaga at kahit papaano ay paborito siya ni Lord kaya binigyan siya ng katiting na utak na magagamit niya para mag-isip ng maayos. Kaya nang sinubok ng sitwasyon ang pasensya niya, lumuwas na siya ng Maynila para mag-trabaho.

Ayaw naman kasi niyang mamatay sa gutom kasama ng Nanay niyang araw-araw na lang isinisisi sa kanilang magkakapatid ang kamalasan nito sa buhay na siya naman ang mismong gumawa. Duh, sayang ang ganda niya kung mamamatay siyang tonta at gutom, ano!

Kaso... hanggang sa Maynila ay may problema si Calene. Ang amo niyang laging masama ang loob, topakin, at may sayad sa utak. Hays, puro problema na lang. Lord, kailan naman 'yong time na tungkol sa jowa naman ang problema niya? Hindi ba siya pretty enough? Kasi kahit anong ganda niya, ubod ng sungit pa rin sa kaniya ang amo niya.

Kailan ba nito makikita ang ganda -- este pagiging hard working niya?