“Ayun oh! May dalawang magkatabing stars! Silang dalawa yung pinakamaningning!” Sambit niya sabay turo sa mga nagkikislapan sa himpapawid. “Kahit itapat mo pa sila sa ibang stars, sila pa rin yung nagsha-shine.” Amaze na amaze na sabi niya. “Tama ka. Ang ganda nila. Pero alam mo, ang iba sa kanila ay patay na.” “Huh?! Patay na ang iba sa kanila?” “Oo. Pero hanggang ngayon nakikita pa rin natin sila. Parang sa pag-ibig. Akala mo mahal mo pa yun isang tao dahil sya yung nakikita mo. Hindi mo alam na matagal na pala syang past. Na iba na pala ang iyong present. Pero hindi mo napapansin dahil nabubulag ka sa ningning niya.”