الياقوت الأسود

لازمة اديهم وأمشي سريع وكُل شوي ألتفت يمنة ويسرة أخاف أحد منهم لاحگنا جسمي كُله يرچف ملابسنة ناكعة من المطر ورجلية ما أحس بيهم نترت أيدي

- كافي باعي رجليچ دمچ خلص ما اريد اروح لأي مكان خلينة نرجع الهم

- مسسستحيل امشن ما بقة شي ونوصل فدوة امشن

سحبتهن من أيدهن مكملة طريقي وصلنة لمكان مضلم وأسمع صوت الچلاب بدة يصير قريب علينة قويت گلبي وكملت طريقي ادعي ربي يخصلنة وفچأة صارن چلاب ثنين كدامنة نزيت مرعوبة وخليت أيدي حته ما يوصلن الهن

- أكو أحد هناااا فدوة خلصونة أحد يسمعناااا،، وكف كدامي شخص شگلة غريب ومبين مو بوعية حجيت وياه حته يبعد الچلاب عن طريقنة لكن انصدمت من صار يباوع ؏ جسمي بطريقة قذرة چان مطر وملابسي لازكة علية اتقرب علينة يحچي

- أووو فريسة ما تتحصل حتة بالأحلام ليش اعوف هل لحم هذا للچلاب واني موجود

ما اعرف شنو صار ولا شلون صار هيچ بس ما حسيت ؏ نفسي الة واني ضاربتة بطابوكة على راسة وكع كدامي وراسة ينزف بلعت ريگي أمسح ايدي بملابسي وصوت شخص بضهري

- شصاير هنااا