Mula sa Kilometer Zero: Hanggang sa Dulo ng Mundo (Japan)

Nagpatuloy ako sa paglalakad hanggang sa marating ko ang Nihombashi Bridge. Kahit na mag-aalas onse na, wala pa ring patid ang pagparoo't parito ng mga taong galing din sa kani-kanilang mga trabaho. Walang bituing nananahan sa kanilang mga mata; lahat ng mga iyon ay nakatutok sa lupa, tila gumagapang patungo sa paroroonan.