JOƊA

Hamma Aure fa ka ce? Ni da banda saurayi, babu wanda ya taba zuwa ya ce yana sona."

Ta bata fuska, irin abun na damunta.

"Waya ce miki baki da masoya? kina da su mana, kuma su na zuwa nan gidan.

Amma idan suka zo sai Baffa ya ce su yi hakuri yayi miki miji."

Cikin sauri ta matso kusa da shi, saura kadan ta kifar da hurar gabansa.

"Ka ce Baffa yayi mini miji? Na tabbata su Baffa sun fada maka waye mijina? Sabo da sunfi yin shawara da kai."

Murmushi yayi san nan ya maida hankalinsa wajen shan hurarsa.

Kwanon hura ta dauke ta mayar gefenta .
Dagowa yayi yana kallonta.
Ganin irin kallon da ya ke yi ma ta ne, ta maido mi shi kwanon hurar, tana zumbura baki