أنا لك خائن

| ڪرونيك باللهجة الجزائرية |

طلعت راسها تشوف فيه لقاتو يشوف فيها ... هزتلو راسها بواش ورجعلها نفس جاست بمعنى ولا شي .. حطت من يدها بكل هدوء ورفدت كاس العصير تترشق منو .. بقات تلعب بيه فيديها كأنها تخمم بعدها طلعت راسها ليه .. شافت فيه بنظرات غامضة خلاتو يبادلها نفس نظرات ... وبنبرة عميقة خرجت الكلام من حلقها ..

ميرفت : ادا كان القاضي حكم على شخص من جلستين فقط .. فيا ترى راح يكون ظلم فحق المدعي عليه !! ..

كانت حركة ذكية منها انها تخلي سؤالها بطريقة غير مباشرة .. وبهاد العفسة مادتلو الحكم الاول فهاد التعارف ... كملت كلامها وخلات عينيها معلقين بعينيه .. تبادلو نفس النظرات لمدة بعدها مسح على دقنو وجاوبها بنفس النبرة ..

سادن : مرات القاضي يتفادى أي مماطلة فالقضية لما تكون كل دلائل لطرف جهة الدفاع ولهاد السبب فالحكم من أول جلستين مش راح يكون ظلم ..

تبسيمة واسعة ترسمت على شفافها وقت عرفت انو فهمها واش قاصدة ..

ميرفت توهامي
سادن خوجة

@حقوق النشر محفوظة