My Greatest Consequence

Sa maingay na sulok ng Tacloban, kung saan mas mabigat pa sa buhay ang responsibilidad na nakaatang sa kaniya, kilala si MIGUEL INIGO GONZALES. Mataas ang pangarap niya. Mas mataas kaysa sa mga gusaling nagbibigkis sa kanilang nayon, at nag-aalab ang kanyang puso sa dami ng kaniyang ambisyon.

Hindi kontento si Miguel sa simpleng tagumpay. Lumaki siyang nangunguna sa lahat ng bagay-bagay. Sapagkat nagnanasa siyang maipagpatuloy ang sinimulan ng kaniyang angkan. Subalit, ang kadakilaan ay may matinding kapalit.

Isinilang si Miguel sa isang pamilya ng mga iskolar at maiimpluwensiyang tao - Ang GONZALES. Ang bigat nito ay nagbabawal sa kahit anong katalunan. Ito'y uri ng pasanin na humihiling ng kahusayan, sa madaling sabi - pagiging perpekto. Siya ang bunso sa apat na magkakapatid. Lahat ng kaniyang nakatatandang kapatid ay yaong nakapagtapos ng Summa Cum Laude sa mga kilalang paaralan dito sa lungsod ng Tacloban at kahit sa Maynila.

Sa kasalukuyan, si Miguel ay nasa ikaapat na taon sa kolehiyo na kumukuha ng kursong BUSINESS ADMINISTRATION. Nang dumating ang kaniyang mga marka sa mid-term, naging mabigat na agam-agam sa kaniya ang Retorika. Labis ang kaniyang pag-aalalang hindi niya makuha ang pinakamataas na marka upang makamit ang inaasahang latin honor sa kaniyang pagtatapos.

At sa gayon ay nangyari na magsisimulang matagpuan si Miguel ay na nakatayo sa harap ng kanyang guro sa Filipino, at nagmamakaawa para sa karagdagang proyekto. Ang Filipino ang kanyang kahinaan. Animo'y kalaban sa pag-abot ng akademikong kahusayan.

Ngunit ang hindi pa alam ni Miguel ay ang suliraning ito ang magbubunsod ng isang istoryang hahamon sa kaniyang planadong buhay.

Paano nga ba mababago ang isang idealistikong tao ng isang realistikong indibidwal tulad ni ANNIE GRACE DOMINGUEZ. Isa ba itong kwento ng pagmamahalan? O, isang istorya ng pagtuklas sa tunay na landas?

Alamin!