انولد الطغيان

رواية<انولد الطغيان>

شيصير لو عايش صدك بين اهلي وناسي؟
شيصير لو لاكي حضن اسند عليه راسي؟

كلماتي...

رواية حقيقية"
غير مبري الذمة من ينسبها لاسمه
مشهد ......

امشي بدربونه واباوع لبيوتها
شكد تغيرت وصارت احلى من قبل ولو من جنت بيها عندي هي احلى منطقة

بكل ركن الي ذكرى تجرح گلبي وتألم روحي

هنا انضربت
هنا انهانت كرامتي وانذليت
هنا كعدت بعز الظهر مطرود من البيت وماعندي مكان اروحله

جريت نفس وزفرته مغمض عيوني

اباوع شفت ولد يلعبون طوبه
ابتسمت واني اتذكر شكد جنت اتمنى اللعب واعيش طفولتي بس يلا الحمدلله تهون
ضحكت بسخرية شتهون () ليش هي هانت قبلها حتى تهون هاي

وصلت لبيتنا ودمعت عيوني

لزمت الباب
اتلمسه واني اتذكر اخر مرة طلعت من هالبيت وشصار بيه وشلون تغيرت
اني مو ذاك الجبان الجان يخاف من يجي ابو
اني مو ذاك اليضحكون عليه اصدقاءه
الدنيا غيرتني
والتجارب ربتلي گلب

قراءة ممتعة