هي

‎#حَـــصــريـــا_عــلــى_صـــديـــقـــات_الــنـــخـــاع

بقلمي: Khawla El Faizi

تحت عنوان: 💫هِــــي💫

الــتــقــديــم:

الحياة كلمة بسيطة، تتكون من ستة ديال الحروف، ساهلة على اللسان يقولها، و لكن صعيبة على العقل يفهمها، و صعيبة على القلب يتحملها....
صعوبة الحياة تتزاد للمتفرجين، المتفرجين لي كيتفرجو فالحياة ديال الناس الأخرى، و يبقاو يتحسرو على حياتهم، بلا مايدي و حتى أدنى مجهود باش يحسنو حياتهم..
أي واحد فينا كان متفرج، راه متفرج، و لا فوقت من الأوقات غيولي متفرج، و طبعا كلما شفتي الحياة دناس أخرين اتحس بلي حياتك ميمكنش يكون مكفس منها،
و ميفما انت تتحس هاكاك على حياتك.. ناس آخرين كيتفرجو فحياتك و تيحسو نفس الشيء على حياتهم، و هاكا تتبقى سلسلة ديال الحسرة و ديال التمني و انعدام القناعة، و شي كيتمنا الحياة ديال شي...

في حين الا عشنا نهار من الحياة ديال اي شخص آخر، انحمدو الله على حياتنا و على عيشتنا نهار و ليل، كل واحد عندو الصعاب ديالو فالحياة، و كل واحد عايش قدرو من المشاكل و الصعاب،
الفرق الوحيد هو كاين لي تيستسلم و يفضل يبقى متفرج و ميدير والو من غير التحسر.. و كاين لي كيبقا يقاوم نهار على نهار و يدير لي فجهدو و ميبقاش متفرج متحسر..

النوع الثاني هي "هــي"، الأنقى الرقيقة لي الحياة عاملاتها ب