PAANO kung ang babaeng minsang naghatid sa 'yo sa maligayang sandali ng iyong buhay ay ang siya mong magiging bodyguard, anong gagawin mo? PAANO kung ang taong pinoprotektahan at minamahal mo ay ang taong hindi mo pala kayang patawarin sa huli, anong gagawin mo? ISANG taon na ang nakararaan mula nang magtagpo ang landas nina John at Sheena. Pareho silang dinala ng kanilang mga pangangailangan sa pinakamainit na sandali ng kanilang mga buhay. At sa hindi inaasahang pagkakataon ay muli silang nagtagpo ngayon. Ngunit sa halip na ang pagtatagpong iyon ang magdadala sa kanila sa walang hanggang kaligayahan, magiging mitya pa pala iyon upang kamuhian ni Sheena si John. Magagawa pa kayang paghilumin ng namumuong pag-ibig sa pagitan nila ang sugat ng nakaraan? O tatapusin na lamang ng galit ang pag-ibig na kanila nang nasimulan?
More details