Pheron ka Bandhan | On Hold...

90s ke Jodhpur, Rajasthan ke sabse bade pariwaar, Raval, ke ghar ki kahani hai.

Ajmer ki aam ladki, Ekani ka rishta Rajasthan ke sabse bade pariwaar mein, usi ghar mein tay ho gaya jiske company mein uske Bapu sa kaam karte the, aur ab wo Raval ki chhoti bahu hai. Ekani ko lagta hai ki use Raghav se behtar layak aur sundar aadmi nahi mil sakta hai. Lekin, Raghav ko yeh shaadi nahi karni thi. Uske Dada sa ki pasand mein koi khot nahi hai. Use bas shaadi nahi karni thi. Raghav Ekani se jitna door hone ki koshish kar raha hai Ekani uske utne hi kareeb jaane ki koshish kar rahi hai.

Raval ki badi bahu, Anchal ko ab apne pati se aur apne shaadi se koi ummeed nahi hai. Abheer bohot achha pati hai aur dono ke beech wo sab hai jo pati-patni ke beech hona chaahiye, aadar-sammaan, imaandaari, aankh band kar ke ek dusre oar bharosa, lekin pyaar nahi hai. Dono ek dusre ke prati apna kartavy jaante hain aur unhe achhe se nibhaate bhi hain, lekin ek dusre par apna adhikaar nahi jatate. Dono raat mein ek bistar par saath sote hain, lekin dono ke beech ki doori itni jyada hai ki dono ek dusre se baat tak nahi karte.

Ekani ko, jo chulbuli hai, jigyasa se bhari hai aur Anchal ko apne shaadi se pehle wale Anchal ki yaad dilati hai, jab pata chalega kitne gehra rahasy chhupe hain to uske rishte par, aur Anchal- Abheer ke rishte par kaisa asar padega?

⚠️ Caution ⚠️ :
1. Puri kahani Hindi mein hai
2. 90s ke Rajasthan ki kahani hai to kayi cheezein Rajasthani hongi