Revive Me In Your Arms

Mula nang mawala ang magulang, si Francesca Sebastian o Fanny ang nagtaguyod sa kanyang kapatid. Kahit Grade 6 lang ang tinapos niya, siniguro niyang may maihahanda siya sa mesa para sa kapatid niya na sina Kuya Lando at ang Kambal na sina Trinny at Trixy.

Lahat ng trabaho ay kayang pasukin basta makalapag siya ng pagkain para sa kanyang pamilya sa kadahilanang ulilang lubos na sila. Dahil sa likas na matulungin at mabait, nakilala niya ang isang matandang pulubi na si Mang Gusting na nakatambay sa simbahan. Madalas niyang tulungan at asikasuhin sa tuwing nagtitinda siya ng Sampaguita tuwing Linggo.

Hindi niya inaasahan na mababago ang buhay niya nang makilala niya nang tuluyan si Mang Gusting. Isa itong pilantropo at pinakamayamang tao sa Barangay Macopa. Kinuha siya para asikasuhin at bantayan ang isa sa mga anak nito na si Argus Lexus IV o mas kilala bilang Fourth.

Akala niya ay magiging madali ang lahat kay Fanny pero isa itong nihilista (nihilist). Aakalain mong nasa impyerno siya sa tuwing pagsusungitan siya nito at pagtatangkang kitilin ang sariling buhay. Dagdag pa sa matutuklasan tungkol sa binata at sa katauhan ni Fanny na tila pinagunaw ang mundo in 360 degrees.

Magiging madali ba kay Fanny na tanggapin ang kanyang tadhana o hahayaan ba niya ang tadhanang mapalapit kay Fourth?