Exchange Body

EXCHANGE BODY

PROLOGUE:

Sa isang lugar ay may bagong kasal ang lumabas sa simbahan na masaya at kasabay no'n ang mga bulaklak na sinasaboy sa mag-asawa.

Masayang-masaya na umalis ang mag-asawa na sakay ng kotse para sa honeymoon.

Makalipas ang ilang buwan ay nakita ng babae sa pregnancy test na buntis siya at binalita ito sa lalaki.

"Reymark, may good news ako. Basta umuwi ka." masayang sabi at tiningnan ulit ang pregnancy test na dahilan para mapaiyak.

"Sige Karen." kahit nagtataka man ay umuwi si Reymark.

"Buntis ako Reymark." masayang sinalubong ng yakap ang asawa.

"Talaga? Yesss magiging ama na ako." masayang nagtatalon si Reymark dahil sa magandang balita ng kanyang asawa.

Inalagaan ng mabuti ni Reymark si Karen na lumalaki na ang tiyan, tanda na malapit na itong manganak. Simula ng mabalitaan ni Reymark ay pumunta sila sa isang clinic para malaman ang gender o kasarian ng magiging anak nila. Nang malaman nila ay diretso sina Reymark at Karen sa mall tsaka bumili ng laruan at ibat-ibang mga kailangan para sa kanilang anak.

"Aaaaaahhhh, ahhhhhhh." sigaw ni Karen.

"Ere pa Karen, kapag sinabi kong umere ka, ere ah," rinig ni Reymark ang sabi ng kumadrona kay Karen.

"O-oho." sabi ni Karen na pagod na sa kakaere.

"Errrrrrrreeeee." sigaw ng kumadrona na si Jodi Malones, ang magaling sa pagpapaanak sa lugar nila.

"Aaaaaahhhhhhh." mahabang sigaw ni Karen at nawalan ng malay.

"Ang pangalan na ibibigay ko sa kanya ay Mark Russell." sabi ni Reymark habang nakatingin sa sanggol.

Si Karen ang nasa bahay para alagaan si Mark Russell at si Reymark naman ay nagtatrabaho para sa pamilya niya.

Makalipas ang isang taon ay buntis ulit si Karen at binigyan ng pangalan.

"Ikaw si Seph." masayang sabi ni Karen at nakangiti naman si Reymark.