ကျွန်တော်လေ မောင့်အပေါ် ပေးဆပ်နိုင်သမျှ ပေးအပ်ရင်း..ကျေနပ်နေနိုင်တဲ့ စိတ်တွေနဲ့ လည်း ရှင်သန်ရဲတဲ့သူပါ။ သို့သော်..ကျွန်တော်တို့နှစ်ယောက်အတွက် ကံကြမ္မာ ဆိုတာကြီး ကျွန်တော်မေ့ထားခဲ့မိတယ်။ ချစ်ပေးနေရရင် ပြီးတာပဲ ..။ ချစ်၍ မဆုံးနိုင်တော့သော မေတ္တာတွေ ..မောင့်အပေါ် ပေးနေနိုင်ရင် ပြီးပြီပဲ လို့ တွေးထားခဲ့ပေမယ့်..တကယ်တမ်း ကြမ္မာရေးတဲ့ ပဥ္စလက်ဆန်ဆန် ကောက်ကွေ့ကြောင်းတွေဟာ..ရင်တွေနာရအောင် ဖန်တီးယူသွားလိမ့်မယ်လို့တော့ ကျွန်တော် ဘယ်ထင်ခဲ့မလဲ။ တွေ့ဆုံမှု တစ်ခုပဲ ။ တိုက်ဆိုင်တာရယ်လို့ ..ပြောလို့မရအောင် ထောင့် စေ့လွန်းအားကြီးတဲ့..ကံကြမ္မာဟာ...ကျွန်တော်တို့တွေ ..မမြင်နိုင်ပေမယ့်လည်း ပညာရှင်ဆန်ဆန် လှည့်စားနိုင်လွန်းပါတယ်..။
More details