حب الطفولة

ليوم جيت نحكيلكم علا حكاية بزاف شابة راح تكون فيها حب غيرة ندم اشتياق و تعويض

أميرة طفلة شابة مسرارة بيضة عندها ضحكتها ماكاش لي ما يطيحش فيها او عندها لاطاي تاعها شابة جاية طويلة او معمرة او تبان اكبر من عمر تعها صح هي صغيرة بصح عقلها يوزن بلاد حنينة او حساسة لدرجة لا توصف تهدر معاها كلمة تبكي تتعلق بالناس او تتعاطف معاهم عندها صحبتها وحدة او لي هي بنت خالتها مروة عاشت طفولة بزاف صعيبة مع باباها او يماها او عماتها نكمللكم الأحداث في القصة

صهيب :وليد عمتها طفل شباب او طويل او عندو شخصية ماكاش طفلة ماشي طايحة فيه بصح الطبع ديالو جاي ماشي حلاب او جامي كان مع طفلة ولا حب مالغري البنات طايحين عليه المستوى المادي تاعهم مليح مرفهين او ما يخصهم والو

مروة ولي هي بنت خالة أميرة عندها دور كبير في حياة أميرة تدي منها غير الطاقة الايجابية تخاف عليها كيما بنتها حريصة على قرايتها او على سلامتها في كتافها او متخلي حتى حاجة تقيسها باسكو تعرف شحال بنت خالتها حساسة او نية بزاف

ام أميرة امرأة في الأربعينات ماشاءالله من حيث الجمال و الاخلاق أميرة خارجة طبق الأصل من يماها مصاحبتها او ما تخبي عليها والو خالتي رشيدة
اب أميرة رجل في الخمسينات بزاف حنين او يخاف علا بناتو او ما يغلى عليهم والو لي يطلبوها تحضر وكان