His Magical Book

Sa unang tingin, aakalain mong ito ay isang ordinaryong libro lamang-makapal, makintab, at magandang tingnan. Ngunit ang aklat na ito ay nagtataglay ng misteryong hindi kayang ipaliwanag ng agham. Ito ay pagmamay-ari ni Brostian Lee, isang lalakeng kilala sa kaniyang kaguwapuhan ngunit balot ng misteryo dahil sa kaniyang pagiging "cold" at mapag-isa.
Lingid sa kaalaman ng lahat, ang aklat na ito ay may sariling buhay; ito ay nagsasalita, gumagalaw, at higit sa lahat-pinoprotektahan si Brostian sa lahat ng panganib.
Diba kakaiba? Saan ka makakahanap ng aklat na kaya kang protektahan? Hindi mo basta basta makikita ang ganiyang uri ng aklat, nag-iisang lamang ang aklat na ganiyan sa mundo.

Ngunit magbabago ang tahimik na buhay ni Brostian nang mapadpad siya sa isang mundo kung saan laganap ang mahika. Sa pagpasok niya sa isang kakaibang paaralan, matutuklasan niya ang tunay niyang pagkatao at ang lihim ng kaniyang makapangyarihang aklat.
Sa gitna ng labanan at mahika, makakahanap ba siya ng mga bagong kaibigan?

O isang babaeng magtuturo sa kaniyang magmahal? Higit sa lahat, ang pag-ibig ba na ito ang magliligtas sa kaniya, o ito ang siyang magiging daan ng kaniyang kapahamakan?