🇩🇿

من كنت صغيرة كنا ساكنين في دار خالي وهذي دار تهجرت مدة وسكنا فيها حنا ودار الله يبارك كبيرة ونا طبعي مانيش خوافة مانخاف من والو كنت عديمة لمشاعر ايا خطرا انا وخاوتي قلنا نلعبو غميضة نتاع نغمضو عينينا وبالواحد يتخبى ولي نلقاوه هو لي يغمض ايا جات دالتي باه نتخبى دار هذي فيها سطح وفيها زوج غرف وبيت منهم مهجورة فيها قش فرنسا تاعو قديم ومن ورا بابها كاين مونطوات قدم معلقين ايا تخبيت ثما وكان وقتها ليل باه تشوفو لعب جياح مالقينا ويكت نلعبو ذي لعبة غير فالليل لمهم لاعلينا ايا بداو يحوسو عليا والو ماتخيلوش اني نديرها ونتخبا ثما بالمحال دخلت راسهم ايا حوسو حوسو مكانش ايا جيت حانخرج ليهم باه نقلهم خلاص غلبتكم مالقيتونيش نحس واحد يغلقلي فمي هما يجو يدخلو يعيطولي حانهدر يتغلق فمي مباعد منها ماعرف وش صرالي على حساب وش حكاولي دارنا قالولي خرجتيلنا من البيت ساكتة وعينيك مبرقين وغير نخزر وساكتة ايا رقاني بابا وقالولي بديتي تزمري يعني نعيط دخلاني ولغدرة صباح رجعت لحالتي طبيعية