Night Fall (Book One) (Part 1) [COMPLETED]

Sa Moonridge Senior High School, may dalawang magkaklase na halos araw-araw nagkikita pero hindi talaga magkakilala-Kristine Laduan at Lucas Castillo.

Si Kristine ay mabait, mahilig mag-picture ng moon at stars, at laging kasama ang kanyang barkada na sina Angela Mae Villanueva, Sofia Nicole Ramos, Jasmine Claire Mendoza, at Trisha Anne Cruz.
Sila ang laging magkakasama sa school, nagtatawanan, nagkukulitan, at nagtutulungan sa lahat ng school activities.

Samantala, si Lucas ay tahimik, gentleman, at mahilig mag-isip habang nakatingin sa night sky. Kasama naman niya palagi ang kanyang best friends na sina Ethan Gabriel Reyes, Nathan Miguel Flores, Caleb Adrian Santos, at Daniel Joseph Navarro.

Kilala silang solid na barkada na laging nagbibiruan ngunit handang magtulungan kapag may problema.
Isang gabi, parehong nagpunta ang dalawang grupo sa isang magandang burol na may tanawin ng buong siyudad. Doon kitang-kita ang napakagandang buwan at mga bituin.
Hindi nila alam na pareho pala silang paboritong pumunta sa lugar na iyon.
Sa una, simpleng batian lang ang nangyari.

Hanggang sa naging madalas ang pagkikita nila tuwing gabi. Unti-unting naging close ang dalawang barkada. Nagkukuwentuhan sila tungkol sa buhay, pamilya, pangarap, at mga problemang kinakaharap nila habang sabay-sabay na pinapanood ang night sky.

Habang tumatagal, napapansin ni Kristine ang kabaitan at pagiging maalaga ni Lucas. Si Lucas naman ay unti-unting nahuhulog sa masayahin at matatag na personalidad ni Kristine. Kahit hindi nila inaamin, kitang-kita ng kanilang mga kaibigan ang espesyal na koneksyon nilang dalawa.

Dahil dito, sina Angela, Sofia, Jasmine, Trisha, Ethan, Nathan, Caleb, at Daniel ay palihim na tinutulungan silang mapalapit sa isa't isa. Minsan ay sinasadya nilang iwan ang dalawa para magkaroon ng pagkakataong mag-usap at mas makilala ang isa't isa.

Tinawag nila ang lugar na "Night Fall," dahil tuwing sumasapit ang gabi, doon nagsisimula ang kanilang pinakamagagandang alaala.