Para kay Christian Talastas ay isa lamang siyang ordinaryong tao. Walang kahit na anong interesante sa kaniya dahil madalas ay nasa apat na sulok lang ito ng kaniyang tahimik na kuwarto. Isang araw, sa unang pagkakataon, ay dumalo ito sa isang pagtitipon para sa kaarawan ng kaniyang kaibigan. Dito niya nakilala si Konstantine Valmadrid, ang babaeng may malungkot na mga mata. Hindi agad naunawaan ni Christian ang atraksyon na kaniyang naramdaman. Agad niyang inisip na kailangan nito ng kaibigan kahit na hindi niya pa ito lubusang kilala. Hindi niya alam na sa likod ng mga malungkot nitong mga mata ay mga lihim na unti-unti nitong ipagtatapat at mga paniniwalang babago sa kaniyang kinagisnan. -- Second Lead Series #1