منتصف تشرين للكاتبة / منة ممدوح البنا

_مليون كفاية؟
اتلجلجت من المفاجأة وقالت بتلعثم_بـ بس...
قاطعها وهو بيبصلها بتركيز_٣مليون... دولار
برقت من الدهشة وهي مش مستوعبة الرقم، مكانتش متخيلة إن خصم زي ده يكون غالي بالشكل ده، وقبل ما يديها فرصة تفكر قال_يبقى ٤مليون دولار هتاخدي منهم مقدمًا شيك بمليون مقابل دخولك البيت، والتلاتة بعد ما تنفذي المهمة
حست بخدل في كل جسمها وهي مش متخيلة إنه بالفعل هينفذ كلامه، ولكن قطع سيل افكارها لما طلع دفتر شيكاته من درج مكتبه، وكتب المبلغ ومد بإيده ليها بالشيك وهو بيقول_اتفقنا؟
اتناقلت نظراتها بينها وبين إيده بتردد، هي مدركة كويس إن لعبها مع شخص زي "...." ودخولها بيته هيكلفها حاجات كتير، وممكن هي كمان تقع ضحية تحت إيديه، ولكن مبلغ زي ده هيخليها مليونيرة حرفيا، تأسس شركة، تعمل مشروع، حتى تلف العالم، ورغم التردد اللي ظهر عليها وسط مراقبته ليها إلا إنها ابتسمت ومدت إيديها وهي بتخطف الشيك وبتقول_اتفقنا..

#مُنتصف_تشرين
#قريبًا
#منة_ممدوح_البنا
مستعدين ولا؟🙈♥️