The Miu (The Catmen Trilogy)

They say when a cat stares at you, there can only be four reasons why: communication, hunting instinct, affection or stress.

But have you ever tried to stare back and discern the eyes of a cat?

Remember this moment. The next time a cat stares at you, hold their gaze. Be careful though, you might see danger.

======

Ang isang paulit-ulit na bangungot ay kinalakihan na ni Nanon. Ang mga aninong walang mukha at humahabol sa kanya, ang usok, mga panaghoy, mga sigaw at ang bakas ng dugo sa buong paligid. Pagkatapos niyon ay makakarinig siya ng iyak ng sanggol at kasunod ay ang paggising niya.

Hindi niya akalaing matatagpuan ang sarili isang madaling araw na nagkakatotoo ang pagtugis sa kanya ng mga kakatwang nilalang. Nang sa tingin niyan ay maaabutan na siya, saka naman biglang nangamatay ang mga ito.

Sa liwanag ng papaangat na araw ay nasilayan niya ang mga nagligtas sa kanya. Bumungad sa harapan niya ang dalawang lalaking nagbabago ang anyo! Mga hubad at simpatikong lalaki!

"I am Ohm," sabay na pakilala ng dalawang estrangero, walang pakialam kung nakabuyangyang sa kanya ang mga nakahubad na katawan. Hindi lang magkapareho ng pangalan ang mga ito kundi may pareho ring layunin, ang sagipin daw siya at ipaliwanag ang tunay na pagkatao niya.

"You're in danger." Nag-alangan si Nanon dahil hindi niya kilala ang mga ito. Ni hindi niya alam kung bakit may gustong pumaslang sa kanya. Ngunit may iba pa ba siyang pagpipilian kung nanganganib ang buhay niya?

Lalo nang nawindang si Nanon nang magtalo ang dalawang lalaki kung sino ang sasamahan niya. Pati siya ay nahirapan dahil walang itulak-kabigin sa mga ito. Ngunit mas may ikabibigla pa palang rebelasyon ang dalawa.

"Maybe the reason you're being chased is because... you're one of us. And why are they hell-bent in killing you? You're rare, Nanon. You are the last Mau, the strongest clan of Catmen race to have ever existed. The one foretold by the prophecy. Ang tatapos sa lahat ng mga Miu..."