Pebrero Katorse

Isang kaluluwa ang nagpupumilit na tumakas sa reyalidad. Iwinawaksi ang katotohanang may isang munting bagay na pumipintig sa kanyang kaloob-looban. Itinatatwa ang kasalanang minsan pa ay bumago at lalong nagpagulo sa kanyang buhay. Bakit nga ba?
Isang gabi ng pagkakasala at isang gabi ng pagtugon sa tawag ng laman. Minsan pa'y nagpatalo siya sa kapusukan, nadarang sa init na dulot ng gabing malamig. Dalawang nilalang na kapwa lango sa alak. Ni hindi nila inisip ang maaaring maging bunga nito. Isang bangungot na tatapos sa buhay na isang makasalanan. Ngayo'y isang tinig ang pilit na umuukilkil at dumadalaw sa kanyang bangungot.