لمن أنا

-دكتتتتوووورر وااااحددد يجييي يسااااعددددنه وينككككككمممم

اجت دكتورة وياها ممرضات جايبات سديه حطاها وهنه اخذنها للطوارئ، وگعت بالگاع حسيت رجليه ماتن اجه يمان سندني وگعدني على الكرسي، مرت نص ساعه اله طلعت الدكتوره

-هاا دكتورة بشري شلون صارت

-الدكتورة: والله ما ادري شگللكم وضعها سيئ تحتاج عمليه رحمها حيل متضرر وعدها نزيف حاد وجروح تحتاج خياط

-اي سوي العمليه شمنتظره

-لازم ولي امرها يوقع لان العمليه بيها مخاطره

-شنو تقصدين دكتورة؟

-اذا ما گدرنه نوقف النزف نضطر نقلع رحمها حتى نسيطر على النزيف وما تفقد حياتها

ضلينه ساكتين من الصدمه

-الدكتورة: رجاءاً استعجلو ماكو وقت

-تمام راح اوقع بلشي العمليه

راحت الدكتورة ثواني وطلعو ايڤ فاقده على السديه ولابسه ملابس العمليه دخلوها واحنه ضلينه ننتظر، مرت ساعه وايڤ داخل الغرفه ابويه وگع ضغطه صعد نقلناه لغرفه وخلوله مغذي، شويه وطلعت ممرضه مستعجله

الممرضه: بسرعه نحتاج اربع ابطالة دم زمرة O+

-اني اتبرعلها

-واني هم نفس الزمره

-الممرضه: اتفضلو وياي

رحنه وياها اخذت من يمان بطلين ومن يزن بطلين ورجعت لغرفة العمليات واحنه رحنه ننتظر مرت ساعه ثانيه وايڤ بعدها بالعمليات، اتذكرت امي ودره خابرتها وگلتلها الصار بس سديت الموبايل اجه ابويه والدكتورة طلعت

يتبع...✯