سيـــــدرا

نزلت راسي جوة الماي واغسل براسي يوجعني المكان بس مايهمني نسحبت من جوة الماي بقوة وانة الهث

دموت بعيوني مسحتهن وباوعت واكف كدامي عيونة ناطات حمر رفع ايدة وضربني راشي وصاح.

جليـمار: شسوين حيوانة

سمسم: دم بابا دم

فرك وجهة قوي وسحبني طلعني كعدني وراح للكنتور طلع ملابس شمرهن علية

_بدلي بسرعة لااموتج اليوم

اخذتهن ولبستهن تقدم علية ولف شعري سواهة ظفيرة بس مو ضابة.

وبعدة طلع كعدت بالزوية وعيوني علة الشباك الهدوء يدخل بارد سحب لعابة جانت مشمورة بالكاع

حظنتة وايدية رجفن رفعت ايدي ومسحت دموعي قوي

سمسم: ااشش مالازم ابجي بابا مايقبل

هزيت راسي ورفعت نضري للشباك اسمع صوت اطفال تقدمت وفتحت البردة أباوع عليهم يلعبون بالشارع طوبة

وبنات يلعبن وكدامهن العاب عرايس وكلشي باوعت لغرفتي عندي هواي العاب بس ولامرة لعبت بيهن كعدت يم الشباك اباوع عليهم