Probinsya Serye Uno Simpleng tao lang naman si Myleene-gusto niya lang mai-angat ang kaniyang pamilya sa kahirapan at matupad ang kaniyang pangarap. Kaso alam niyang isang malaking oksimoron iyon; kailangan niyang pumili sa pagitan ng pangarap at praktikalidad. Pangarap niya ang maging isang tagapagbalita, ngunit labis na inaayawan iyon ng kaniyang tatay. Mamuhay na lang daw siya nang payak at tulungan ang nanay niya sa paglalaba. Dahil dito, nabuo ang mga paano kung sa isip ni Myleene. Paano kung siya'y isang anak mayaman? Paano kung hindi ang kaniyang mga magulang ang kaniyang mga magulang? Paano kung hindi siya anak ng labandera at magsasaka? Maraming paano kung sa isip ni Myleene-at isa-isa niya itong sasagutin.
More details