سَنابُل مَكسوره

رفعت راسي وباوعت عليه لكيته طايح بالگاع ودمه مغرگه ، حسيت بحرگه بكلبي وخوف جبير وعدم تصديق هاي هو بالگاع لو غيره ؟؟؟
حاولت اكوم اشوفه وأوكف النزيف بس رجلي جانت مكسورة ما أكدر اتحرك زحفت إله ورحت ادور متهستره على مكان الجرح اريد اوقف النزيف بس ماهو لزمته وجان بارد بشكل .
حاولت أصحيه ما يكوم ولا يتحرك جامد بمكانه هويته وكلت بصراخ
"يالحبيبب كومممم ، كوم حباب كومم "
" أمشي كوم مو وكت شقة هسة خلينا نروح نداويك !
لا تعوفني وأني ما عندي غيرك بهل الدنيا " هاي تاليتها كل وعودك وحجيك تاليتها تموت وتعوفني يالوعت روحي هيج تروح ؟