"ඔයා දන්නවද 'auspicious' කියන ඉංග්රීසි වචනේ හැදුනේ කොහොමද කියලා?" "ලතින් වචනෙකින්ද?" "ම්ම්.. 'auspicium' කියන ලතින් වචනේ 'auspici' කියන කෑල්ලට 'ous' දාලා තමයි ඒ වචනේ හැදිලා තියෙන්නේ. ඒත් ඔයා දන්නවද ලතින් වලින් 'auspici' කියන්නේ හොඳ දේකට වෙන්නත් පුලුවන්, නරක දේකට වෙන්නත් පුලුවන්. ඒත් ඒක ඉංග්රීසි වලට බිඳිලා එද්දී, auspicious කියන වචනේ පාවිච්චි කරන්නේ හැමතිස්සෙම සුභ දෙයක් ගැන කියද්දී විතරයි." "හැමතිස්සෙම..? ඒත් මට හිතෙන්නෙම සුභ දේවල් වල අසුභ පැත්තකුත් තියනවමයි කියලා. මොකද මං අහපු හැම සුභ ආරන්චියකම හැංගිලා තිබ්බේ අසුභ දෙයක්. එහෙම බැලුවම ලතින් වචනේ තේරුම තමයි මට ගැළපෙන්නේ." "ඒකට තමයි මං වගේ ෆිල්ටර් එකක් ඔයාට ඕනෙ වෙන්නේ. සුභවාදී දේවල් විතරක් පෙරලා ඔයාට එවන්න. අසුභ ටික ඔය නුවර වැවට හරි විසි කරන්න බැරියෑ.. නේද..?" "...පණ්ඩිතයා."