Tears in the Rain

WARNING!
This is barely a first draft, and no editing has happened whatsoever, so I apologize for any possible typos and grammatical errors. If I have extra time, I will gradually edit this.

******

Nang mamatay ang haligi ng kanilang tahana'y si Czarina ang tumayong ama't ina sa nakababata niyang kapatid. Iniwan sila ng kanilang ina sa pangangalaga ng kanilang Lola, ngunit nauwi lamang iyon sa pagmamaltrato ng matanda sa magkapatid.

Sa paglipas ng panahon ay nagtanim ng sama ng loob si Czarina sa kanilang ina, sapagkat tila ba nakalimutan na nito ang obligasyon sa kanila. Sa murang isipa'y namulat si Czarina sa hirap ng buhay. Natuto siyang magbanat ng buto, upang may mailaman sa kumakalam nilang sikmura. Kung anu-anong kakanin ang inilalako nya sa kaniyang mga kaklase at guro, mairaos lamang ang kaniyang pag-aaral. Sa kaniyang pagtitiyaga at determinasyon ay nakatapos sya sa elementarya-na puno ng parangal at paghanga.

Gustuhin man niyang ipagpatuloy ang kaniyang pag-aaral ay batid niyang hanggang doon na lamang ang kaniyang makakaya. Tanging pagluha na lamang ang kaniyang kaagapay nang malaman niyang ipinagkasundo siya nang kanilang Lola, upang mamasukan sa Maynila.

Sa hindi inaasahang pangyayari ay nagkaroon ng pagkakataon si Czarina, upang makalayo sa malupit nilang Lola. Isinama niya ang kaniyang kapatid sa Lungsod, magkasama nilang hinarap ang panibagong yugto ng kanilang kapalaran.

Sa pagdating ni Czarina sa mansion ng mga Alonzo, ano nga ba ang naghihintay na pagsubok doon para sa kanya?

Anong lihim ang kaniyang matutuklasan tungkol sa tunay niyang pagkatao?

Maisasalba kaya sya nang una niyang pag-ibig? O lalo lamang siyang malulugmok sa madilim niyang nakaraan.

START: June 14, 2024
FINISH: August 1, 2024