18 parts Ongoing MatureSi Sandrino ay isang binatang lumaki sa piling ng kanyang ama, laging may tanong sa puso, bakit wala siyang ina? Bakit tila palaging may panganib na sumusunod sa kanila? Paulit-ulit silang lumilipat ng tirahan, laging nagtatago, na para bang may nilalang na gustong silain ang kanilang katahimikan. Hindi niya alam na ang mga gabing may nilalang sa dilim at ang mga bulong ng hangin ay pahiwatig ng isang lihim na matagal nang tinatago sa kanya.
Sa pagsapit ng tamang edad, nadiskubre ni Sandrino ang isang katotohanang magpapabago sa kanyang buhay hindi lamang tao ang kanyang ina, kundi isang diwata at isa sa limang napili ng primordial mutya upang maging tagapangalaga ng balanse sa pagitan ng mundo ng tao at ng engkanto. Ngunit sa pagtatanggol sa kanyang pamilya laban sa mga aswang, engkanto at nilalang ng kadiliman, isinakripisyo ng kanyang ina ang sariling buhay. At sa pagkawala nito, ang mutyang pinili rin sa kanya noon ay pumili ng panibagong tagapagdala, si Sandrino.
Ngayon, hawak niya ang kapangyarihan, ngunit dala rin ang matinding responsibilidad. Kailangan niyang hanapin ang natitirang mga Chosen Five, iligtas ang mundo ng kanyang ama at mundo ng kanyang ina, alamin ang koneksyon sa mahiwagang lugar ng Biringan, at tuklasin kung sino ang nagpalaya sa anak ng unang mangkukulam, ang nilalang na may layuning sirain ang balanse ng dalawang mundo.
