El matador|الميتادور

-شافت فيه بنظرات باردة و مستفزة،اظهارها لشوية ديال الانفعال غيخليه يحس انه الطرف الرابح،عارفة مزيان ان الانسان اللي قدامها الماتريكس ديال دماغو انورمال.

......:[بنبرة هادية]:كنعرف بزاف ديال الناس اللي ماعندهمش1% من فلوسك،مي يديرو من قيمتك تريبل،[بنظرات تحدي]قوليا شكون نتا بلا الدينيرو؟و شنو عطيتي لهاد الدنيا من غير الفوضى و الدم.

-كلماتها ما حركوش ولو خلية من السيستيم نيغفو ديالو،انسان بليكسبيريونس ديالو،حوارات بحال هادو كانوا كيضحكوه،دابا حتى هاداك الضحك مل منو.
شق طريقو تجاهها بخطوات بطيئة و مستفزة،و نظرة الملل و عدم الاكتراث ما فارقاتوش،و بخفة و بسبابتو ،ضرب راسها جوج ضربات.
......:نهار تستوعبي ان الفوضى ماشي حفرة ،بل سلوم،وبلي السبع ما كيتسوقش شنو كيگولو عليه الغنم،غتعرفي شكون أنا بلا فلوسي،وغتعرفي ان القيمة بحد ذاتها مصطلح تافه،الدنيا كاملة ما عندها قيمة،ما حد الإنسان تزاد باش يموت.