جَلمود ' أجريس ألسَنر '

ضلت تتلفت بالغرفه تريدلهـا مخرج مُستحيل تتقبل مصيرهـا وأي مصير وأي حياه ممكن تعيشهـا وياه

فتحت الشباك وباوعت ليجوه المسافه بعيده أذا حاولت تگمز ممكن تموت

أرتجفت أقدامهـا الصغيره ونزلت دموعهـا بغزاره تهـمس بألم

' مراح أسامحكم طول حياتي على ألي سويتوا بيه '

صوت تحُرك أقدامه مبين صار قريب وأذا وصل معناتهـا هـاهـيه وصلت لنهايه

سدت الشباك وگعدت بالگاع لامه رجليهـا تبچي بخوف وتهـمس بأرتياب

' لتأذيني أ... أني ما أريد '

غمضت عيونهـا بقوه من سمعت صوت الباب أنفتح وبعدهـا أنسد

أبتلعت ومفتحت عيونهـا صوت أنفاسه وطبة حذائه يعلن عن أقترابه منهـا

أزدادت دموعهـا وأنتفض جسدهـا من سمعت صوت الجداحه

دُخان يخنگ وأجاهـا صوته الخشن بجديه چآن خشن بشكل مُريب

يبين أنو هـالشخص چبير بالعمر چبير على هـالطفله ألي هـسه يلا بدأت ترسم مُخططات وتبني حلم

' شسمچ ؟ '

صمت بصمت من ما ردت عليه فتحت عيونها بأتساع من قبض أيده على فچهـا وأجبرهـا تباوع بعيونه

' بُندُق '

رفع حاجبه الثخين بتعجب وتركهـا واگف ينفض لبسه

ردد أسمهـا بخفه وهـوه يتحرگ بالغرفه بخطوات بطيئه

' بندق ... بندق '

نزلت راسهـا بسرعه من ألتفت عليهـا يتأمل هـيئتهـا

هـيه حتى متگدر تتنفس بشكل صحيح گدامه شلون ترد على سؤاله

جَلمود ' أجريس ألسَنر '