Mahal Kita, Kahit Hindi Dapat - Jennie Roxas

Namatay ang nanay ni Lyda nang ipakulong ni Donya Ana Violago ang kapatid niya. Bukod doon ay kinamkam nito ang lupa nila. Pagkalipas ng maraming taon, nagbalik si Lyda Enriquez, may kakayahan upang bawiin ang lupang kinamkam at upang ibagsak si Donya Ana Violago. Isa lamang ang paraan upang magawa niya ang paghihiganti. Sa pamamagitan ng simpatikong si Ross Violago, ang anak ni Donya Ana. At napatunayan niyang handa siyang ipaglaban nito maging sa sariling ina.
At unti-unting nadarang ang puso ni Lyda. Unti-unting sumibol ang pag-ibig. Paano ang isinumpa niyang paghihiganti sa ina nito na hanggang sa sandaling iyon ay matayog pa rin?