أم حاضنة

بقلمي أنا هاندا ربفالدا
#سلمى

⚜️⚜️⚜️⚜️⚜️⚜️

راقدة في سابع نومة خلعني صوت الرافاي -ترننننننننن ترننننن مديت يدي نطفيه طاح التلفون طفا اففف ي ربي وقتك دك ، تقعدت وعينيا مغمضين دك هدا وش رايح يشعلو .. حسيت بيها فطنت درت ليها لقيتها تبلق ف عينيها -صباح الخير العميرة تاعي أرقدي علاه نايضة ياخي عطلة -ماما * ب.ل.ت * شفت تحتها لقيتها مشمخة-معليش بنتي دك ندوشك ،نوضتها ديتها ديراكت للدوش دوشتها لفيتها بسربيتة ورحت لبستها وبدلت الفراش هي البارح حرنت حبت ترقد عندي وانا في جال طبيعة الب.و.ل (حاشاكم) هادي نحب نرقدها في سريرها ، كملت عدلت السرير ونطل ع التلفون هداك الا شعل ولا مزال ايا مزية شعل لقيت لابال تاع نجاة عاودتلها -صباح الخير -صباح نور وين راكي انتي علاه طافي تلفونك -والو طاح برك وش تحوسي عندي صباح ربي راهي السبعة -والو عندنا خدمة اليوم قتلها - -لوين ان شاء الله -كاين عرس طهور قتلها نجاة انا اليوم منجيش تقدري تدي معاك رانيا راسي راهو يوجع من الشقيقة ومنقدرش للباف والعياط والزڤا تحوسي نتعوق وقيل -ياااا سلمى علاه والله نتكل غير عليك هاديك تعرفيها مش قدها قتلها نجاة ملخر أنا منجيش وزيد وقتاش ضهر الطهور هذا نورمالمون مكانش ف بروغرام تاع اليوم و الخدمة تبدا من الويكاند هك