قابل للكسر

فتحت عيوني بثكل ما اكدر اشوف بوضوح مثل الغواش عليهن بسبب الدم النازل من كصتي اديه مربوطة ورجلية شكد حاولت اكعد بس ما كدرت بقيت امددة بالكاع وحتى صوتي مختفي من كد ما صرخت الغرفة ضلمة وبس اصوات الصراصر اسمع الدود اكل جسمي اكل انفتح الباب ودخل واحد رفعني من شعري وكعدني ..

:شعجب ما صرختي لو صرتي شطورة

: ععوفوني ففدووة ممالي ععلاقة ووالله

: شفتي كلشي بعينج شنو مالج علاقة يحلوة

: مما احجي شي ووالله ما احجي ولا اكول

: تؤ تؤ النساء كيدهن عضيم دكولين ما احجي وتحلفين وبس تطلعين منا ترحين تنطين بلاغ

:للاا ووالله مما احجي

: اهووو انطمي عالعموم جيت مو على هذا الموضوع بس الباشا حن كلبة عليج وكال طلعوها من هاي الغرفة الدود اكلها لا يروح يصير بيج شي وحبيب الكلب يسويج معيشة مية نفر ويدك صدرة علينه....