The Maid in a Vampire Ship (R-18)

THEME: DARK ROMANCE-R-18

Nang matapos ang digmaan ay sumunod pa ang epidemya dahilan para makita ng labing-walong taong gulang na si Rositta ang pagkamatay isa-isa ng kanyang pamilya. Ang kanilang bayan ay tahimik at maliit lamang, pero sagana sa pagbibigayan at pagmamahalan pero sa isang iglap ay naging isa na 'tong lugar ng mga outcast, tapunan ng mga may karamdaman, at bagsakan ng iba't ibang uri ng basura at kemikal na siya ring pumatay sa karamihan.
Kahit alam ni Rositta na wala ng pag-asa ang kanilang bayan ay mayroon pa rin siyang lakas para piliing mabuhay, pinili niyang kumain, at ibaon ang mga namayapang kakilala. Umaasa siyang may pag-asa pa ang kanilang bayan, kahit sumuko na ang karamihan at naghihintay na lamang ng kamatayan.
Hanggang sa 'di inaasahan, ay dumating ang isang malaking barko sa kalaliman ng gabi. Kakaibang barko, malaki, nakapangingilabot, at ang mga laman niyon ay may pulang mga mata. Isa 'yong malaking barko ng mga pirata, maingay at nagkakasiyahan ang mga laman niyon, para bang may isang salu-salo at walang pakialam na huminto ang barko malapit sa kanilang lugar. Ang black flag ay simbolismo ng bandila ng mga pirata, at ang bungo niyong larawang guhit ay mayroong pula't puting rosas na nakatusok sa magkabilang gilid ng bungo.
Nabasa niya noon ang tungkol sa barko ng pirata na naglalaho sa karagatan, isa na 'yong lumang aklat, at ang bandilang nakikita niya'y katulad sa deskripsiyon, at sa pagkakaalam niya ang barkong iyon ay barko ng mga piratang bampira ang The Crimson Eyed Pirate Ship!