بـني اسـد،⁷⁷⁷

تَوتر،قَلق،خَوف،رجفةَ.

صعدت الدرج ورجليه يرجفن بقوةَ
وصلت أخر باية ولزمت المحجر بقوة غمضت
عيوني وگمت افكر باللي حيصرلي وشنو حتكون نهايتي؟

ذبيت حسرة وصعدت الطابق الثاني وبلگوة امشي.
واخيراً وصلت الغرفتي قفلتها وذبيت روحي عالجرباية وحضنت المخدة وگمت ابجي بحرگة .

غفيت شوية وفزيت على صوت طرقات متتالية على باب باب غرفتي. عرفت انُ هاي هيه جاية تنتقم . بجيت بدون صوت وارجف واردد بهمس.

-راح تقتلني نهايتي حتكون على ايدها.
مستحيل تعوفني

فزيت على صوت صريخ بنيةَ تصرخ بقوة
وكأنُ خايفة من شي . ركزت بصوت صرختها عرفت انُ هاي تالا الدتصرخ!

-لا ياربيي لاا.

اختفى صوت صريخها وخفت حيل گلت هاي هيه اخذوها لجحيمهم.