Dear Kandell

කොටු කණ්නඩි දෙක අස්සෙන් පේන ඒ ඇහි පිහාටු පිරුණු රවුම් ඇස් මං දිහා ලාවට හිනා වෙලා වගේ බලන් ඉද්දි මම ඒ මූණ දිහා තවත් බලාගෙන හිටපු එකයි කලේ.

රෝස පාට පිරුණු තොල්, බෝල මූණ, ඇදයක් වත් නැති උල් නහය, උසයි ගානට තියෙන ඇඟයි එයාට ගෙනාවෙ වැඩිමල් පෙනුමක්. සමහරවිට එයා මට වඩා වැඩිමල් වෙන්නත් පුළුවන්.

"Hello."

ඇහිබැමක් උස්සලා එයා මගෙ ඇස් ඉස්සරහින් සැලුට් එකක් දැම්මේ මගෙ අවධානය ගිලිහිලා තිබුණ නිසාද කොහෙද. ඉක්මනින් පෑන ගත්තු මම පෑන් තුඩ එයාගෙ නම ලඟින්ම තියලා ඒ නම කියවන්න හැදුවා. ජීවිතේට අහලා නැති අමුතුම නමක් ඒක නම්.

"කැන්.. කැ.."

"It's කැන්ඩෙල්."

එයාම කිව්වා..